Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Monday, 25 March 2019

Dhagax Tuujin Iyo Taabasho Waa Isku Mid .. Kulanki Kheyre Iyo Axmed Madoobe Oo Ku Dhamaaday Faro-taagtaag iyo Natiijo la'aan Iyo Gunaanadka Oo La Isku Af Gartay Qodobo Protokol Oo Is Faham Ah

Thursday - March 14, 2019



Kismaayo - sida la carbaabay Kulan xasaasi ah oo alabaabada u xirnaa ayaa xalay wuxuu magaalada Kismaayo ee Xarunta Maamulka Jubbaland ku dhex maray Axmed Madoobe, Fahad Yaasiin iyo Ra’isul wasaaraha Soomaaliya Xasan Cali Kheyre. .. Kulanka oo ahaa mid aad u kulul ayaa sida aan xogta lagu helay waxaa markii hore si gaar ah u bilaabay Axmed Madoobe iyo Fahad Yaasiin, inkastoo markii dambe lagama maarmaan ay noqotay in lagu soo daro Xasan Cali Kheyre.

Sida ay xaqiijiyeen illo wareedyo ka tirsan Jubbaland , labada dhinac ayaa qodobada ay ka wada hadleyn isku fahmay dhammaan  marka laga reebo sida ay noqon doonto doorashada soo socoto taasoo la filayo inay noqoto mid qof iyo cod ah, waxaana la isla meel dhigay Qodobo hordhac ah oo sidaan loo dhigay: in wada tashay laga wada sameeyo magacaabista xubnaha dawlada dhexe, isla markaana Axmed Madoobe ayaa Dowladda Soomaaliya ka codsaday inay faragelinta ka deyso maamulka Galmudug, si heshiis buuxa looga gaaro khilaafka dowladda iyo maamul goboleedyada, waxayna labada mas’uul sheegeen inay arrintaas aqbaleyn iyo qodobo kale oo xasaasi ah