Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Saturday, 4 July 2020

Beentu Socon-Meyso .. Beesha Caalamka Oo Ka Digtay In sharciga Doorashada Lagu Galgasho

Monday - June 29, 2020



Muqdisho- Beesha caalamka ayaa mar kale war ka soo saartay hadalkii Guddoomiyaha Guddiga Madaxa-bannaan ee Doorashooyinka Qaranka Xaliimo-Yarey ay shalay ka jeedisay baarlamanka Somalia kaasoo ay ku soo bandhigtay qabashada doorasho Hal-Qof iyo Hal-Cod ah, iyagoo sheegay iney uga mahadcelinayaan Gudoomiyaha howsha ay Golaha Shacabka hor keentay.

Hasa yeeshe beesha caalamka ayaa carrabka ku adkeeyey baahida joogta ah ee loo qabo in Soomaalidu ku lug yeeshaan wadahadal loo dhan yahay si loo abuuro heshiis ballaadhan oo suurogal ah oo ku saabsan mowduucaan muhiimka ah, oo aan hoosta ka xarriiqno muhiimadda wadahadal dhameystiran oo u dhexeeya hoggaamiyeyaasha DFS iyo dowlad goboleedyada dalka

Waxaan soo dhaweynaynaa ayaa lagu yiri qoraalka ku dhawaaqista uu sameeyay Madaxweyne Maxamed C/llaahi Maxamed ‘Farmaajo ee ah in uu kulan la yeelan doono dhammaan hoggaamiyeyaasha Dowlad-gobolleedyada 5 illaa 8 July waxaana ku boorinaynaa in kulankan uu noqdo tallaabada xigta ee wada-tashi ballaaran oo lala yeelanayo daneeyayaasha muhiimka ah.

Sido kale beesha ayaa timaantay in baarlamaanku uu sidoo kale yeeshay kulan looga hadlayo arrimaha la xiriira codeeynta. Waxaan ku boorinaynaa in heshiiska siyaasadeed la xoojiyo ka hor go’aamada kama dambeysta ah. Waxaan ugu baaqeynaa dhammaan hoggaamiyeyaasha Soomaaliya inay ka shaqeeyaan sidii heshiis deg deg ah loogu gaari lahaa wadada lagu qabanayo doorashooyinka qaran iyo waxyaabaha kale ee mudnaanta leh ee qaranka.

Waxaa war-saxaafadeedka soo saaray: Howlgalka Midowga Afrika ee Soomaaliya (AMISOM), Belgium, Denmark, Ethiopia, Midowga Yurub, Finland, France, Jarmalka, Urur-gobaleedka IGAD (UNSOM), Ireland, Italy, Japan, Netherlands, Norway, Sweden, Switzerland, Turkey, Uganda , Boqortooyada Ingiriiska, Mareykanka, iyo Qaramada Midoobay.