Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Tuesday, 30 November 2021

Hantidi Ummada Sacuudiga Oo La Rabo In Loo Fut-futeysto Sidi Muqmad Aroos .. Dawlada Sacuudiga Oo Ogolaaneysa In Ajaanibta Ay Noqdaan Mawaadiniin

Saturday - November 13, 2021




Sacuudiga ayaa dhalasho siiyay dad badan oo ajaaniib ah, kuwaas oo lagu tilmaamay in ay yihiin dad howlkar ah, sida lagu qoray Wakaaladda Wararka ee Dowladda.

Tallaabada waxaa loo arkaa in ay isbedel wayn ku tahay shuruucda boqortooyada ee ku wajahan ajaaniibta ka shaqeysta dalkaas .. Sacuudi Carabiya si la mid ah dalalka kale ee Gacanka wuxuu ku tiirsan yahay shaqaalaha ajaaniibta ah, illaa 50-kii sano ee la soo dhaafay.

Ajaanibtaas waxay ka shaqeeyaan qeybaha kala duwan ee ganacsiyada, balse kuwa yar oo ka mid ah ayaa helo degganaansho-joogto ah ama dhalasho .. Hadda tiro dad ah oo aan la cayimin ayaa la siiyay dhalashada, sida lagu qoray warbaahinta dalkaas, waxaana lagu xushay howl-karnimadooda iyo xirfaddooda. waxaa la qiyaasayaa in malaayiin ajaaniib shaqa doon ah ay ku sugan yihiin Sacuudiga

Barnaamijkan waxaa loo oggol yahay dadka leh “xirfadaha aadka u wanaagsan” ee loo baahan yahay, waxaana sidoo kale la xiriira dalalka ay dadka ka soo kala jeedaan, sida ay warbaahinta dowladda qortay.

Amiirka Dhaxal Sugaha ah, Maxamed Bin Salmaan ayaa isku deyaya inuu ballaariyo qeybaha kal ee ganacsiga ee ka baxsan kuwa shidaalka, sida dalxiiska iyo wax soo saarka kale.

In kastoo dowladda Sacuudiga ay soo dhoweysaneyso ajaaniibta shaqa doonka ah, haddana waxaa jiro shaqooyiin badan oo la ogol yahay in ay qabtaan shacabka Sacuudiga oo keli ah, gaar ahaan dadka dakhligooda uu hooseeyo.

Sidoo kale waxaa shaqooyiinka qaar qabta dadka saboolka ah ee ka yimid dalalka kale ee carabta, Aasiya iyo qaar ka mid ah dalalka Afrika.

Sacuudiga ayaa ku dadaala in heerka shaqo la’aanta ee muwaadiniintiisa uu ka yareeyo boqolkiiba 11, taas oo keeneysa in shaqooyiinka qaar loo gaaryeelo.