Sheekada Labada Shariif Oo Cirka Isku Shareertay .. Ma Shaqa Mise Shandadi Ayaa Laysku Haya?
Thursday - March 3, 2011
Waa Aragti - By Qalinki Cabdiraxiim Hilowle Galay: Waxaa Dowlada loogu magacdaray dowlada shariifayn ama labada shariif waxaana aad loo falanqayn jiray inay is aaminsan yihiin iyo inay ujeedo iyo dan ku wada socdaan dad khubaro ah oo siyaasada u dhuun daloola ayaa had iyo jeer sheegi jiray in labadooda mid siran yahay oo kan kale hawshiisu tahay ujeedo dheer.
Heshiiskii labada shariif , sida aan wada ognahay shariif xasan oo ah gudoomiyaha baarlamaanka dowlada ku meel gaarka ah waqtigii madaxweyne cabdilaahi yuusuf ayaa waxuu heshiis la galay Sheikh shariif oo ah amiirka maxaakiimta islaamiga ah ilaa ay noqdeen jabhad ka soo horjeeda dowlada .
Sidii u muuqatay shacabka iyo dadka qaarkii waxaa markaas shariif xasan uu mujiyay geesinimo cadaana iyada oo aan la ogayn ujeedada uu kala lahaa hadana waxaa cadayd inuu xilkiiisii uga tegay inuu dalka ka saaro itoobiya isaga oo la saftay mucaaradkii kana mid noqday xisbigii ARS Shariif waxuu ka mid ahaa asxaabta aadka ugu dhaw sheikh shariif ee ka dhaadhiciyay inuu ka soo go,o maxaakiimta kuna biiro xerta siyaasada degan ee la jiifiyaana banaan la joojiyaana banaan aaminsan.
Sida uu sheikh shariif waa madaxweynaha soomaaliya ee ka cadeeyay gole waxuu sheegay inuu shariif xasan yahay gacantiisa midig ayna isla soo mareen dhib badan oo ay soo wada galeen halgan iyada meeshaas ay joogeen asxaabtii badnayd ee shariif waxuu ku nuuxnuuxsaday inuu shariif xasan yahay muwaadin dalkiisa jecel waa shirkii Manosota ee cariga maraykanka jaaliyada soomaaliyeed ku soo dhaweeyeen madaxweynaha oo waliba waxuu ilaaway madaxweyne shariif asxaabtiisii reer aalla sheikh sida , Geele, Cabdiqaadir cali cumaR, Janaqoow, iyo Ragii dhintay ee qaraxyada lagu sameeyay oo ahaa rag kaalin libaax ka qaatay Halgankii dowlada iyo ururkii ARS waxuuna libintii iyo go,aankii shirka jabuuti iyo ilaa kursigiisa madaxweyne oo dhan sababteeda siiyay shariif xasan waxaa shariif xasan ku helay saaxiibtinimadii madaxweyne shariif xilal badan ilaa xildhibaan wasiir ilaa uu dib u soo ceshtay jagadiisii ra,iisul baarlamaanka ahayd oo uu hantiyay mar kale .
Maxaa isbedelay markuu noqday shariif xasan Ra,iisul baarlamaanka waxaa bilowday ismaandhaaf baaxad wayn leh oo ka dhaxeeyaa labada shariif iyada oo dadka qaar u dhuun daloolaa sheegaan in xisaabi ka dhaxaysay xiligii uu ahaa wasiirka maaliyada si aan loola xisaabtamina labadoodu ay ku heshiiyeen in kursiga dib logu celiyo wasiirnimada uu ka tanaasulo waa tii duhur cad laga dhaqaajiyay aadan madoobe oo isaguna ahaa muwaadinkii ogolaaday isaga oo loo magacaabay ku sime madaxweyne inuu ka soo qayb galo shirkii jabuuti aqbalay kana qayb qaatay dhismihii dowladii danbe isaga oo aan wax dhibaato iyo khilafa abuurin .
Ugu danbayn waxaa hada cirka isku shareeray khilaafka labada shariif ee ma shandadii lacagta ahayd ee ay hore ugu heshiiyeen xiligii uu wasiirka maaliyada ahaa shariif xasan baa sheekadu ka kacday mise sharci iyo shaqada dowlada laysku haystaa?
Maxaa sababa madaxda soomaaliyeed iyaga oo saaxiiba inay marka danbena coloobaan ma wadanka dartiisbaa mise waa dan gaara soomaaliyeey?
Waxaan ogayn saaxiibadii qaaliga ahaa ee Cabdilaahi yuusuf iyo Cali maxamed geedi oo iyagana ay dhexmartay sheeko sidan oo kale ah, Cabdiqaasim iyo Cali khaliif galayr iyo asxaab badan oo sidan oo kale si fudud isaga hor yimid khilaafkaas oo dhamina ka bilowday hanti qaran oo lagu heshiin waayay sidii loo wada cuni lahaa ama loo qaybsan lahaa oo ninkood sedbursaday kii laga sedbursadayna qaayladhaan bilaabay.
Waxaa jira dad badan oo isweydiiyaa ma wadankaa waalan mise madaxdaa walaan mise soomaalida ayaa siyaasada ku dabaqa dabeecada shaqsiyeed waayo culuumta siyaasadu waa wax la barto qofkuna waa inuu dhawraa danta guud isaga oo ka fekerayaa sumcadiisaa iyo mustaqbalka danbe iyo magaciisa iyo naanaysxumadana ka ordayaa , halka soomalidu markiiba nin waliba galka seefta kala baxo oo taaganyahay waxii burburayaa ha burburaane yaan lagaa badin.
Siyaasada labada shariif isku hayaan waa waan korodhsanayaa keligay adigana kalsooni ayaan kuu qaadayaa in laguu kordhiyo iyo in kale, iyo hadaad kordhisato ii kordhi hadii kale waxba ma kordhisan karitid , labada arin ayaan midkodan dan soomaaliyeed ku jirin waayo waa afduub sharciga iyo shacabka labadaba lagu hayo,marka hore ninka baarlamaanka ah iyo madaxweynaha midkoodna kuma joogo doorasho shacab teeda labaad ma jiro wax sharciya oo kala xadaynayaa dowlada oo qodob lagu kala bixi karo madaxweynugu awood intee le,eg ayuu u leeyahay inuu baarlamaanka ku celiyo mudo korodhsiga gudoomiyaha iyo madaxweynaha farqi intee le,eg aya u dhaxeeyaa , miisaankooda siyaasadeedna waa sidee dastuur la,aanta oo aan hore qoraalo uga qoray ayaa sheegaysa inaysan jirin wax nidaam ah oo kala hagaa umada soomaaliyeed , haday tahay madaxweyne, wasiir , baarlamaan, ciidan, gobol, shacab, qaybaha bulshada oo dhan.
Waayo waxaa cad khilaafka nin waliba saxaafada hordhigayo inuu diiday arinkaas isaga oo aan u haysan wax sabab ah ama qodob uu ku cuskanayaa diidmadiisaa ugu danbayn waxaan leeyahay
Sheekadu waa laba shariif oo shabaab ku hareeraysan yahay waxayna u egtahay inay kala baxayaan oo midkood guulaysan doono balse shacabka soomaaliyeed waxay dhawrayaan sharci iyo shareeco ay xaqooda ku helaan , shuhubka iyo shamaareerkana ka saaraa ,madaxda dowladana waxaan odhan lahaa , aqoon dowladeed meesha kuma haysaan waxaan tihiin niman waqtigu u samaaxay inay dalka maamulaan ee magac xumada iska dhawra maatada iyo masaakiinta iyo maydka dayacana wax u qabta meel lagu murmo ma joogtaana waa muqdisho oo noqotay magaalada aduunka ugu madoow uguna mugdiga badan