Wadanka Imaaraadka Carabta Oo Taageeray Hawlgalka Ciidamada Kenya
Tuesday - November 22, 2011
Dawlada Imaaraadka Carabta ayaa ku Biirtay Dalalka Taageeray Hawlgalka Ay Ciidamada Kenya Ka Wadaan Konfurta Somaaliya kadib Booqasho u dalkaas Ku tagay Madaxweynaha Kenya Mwai Kibaki Xukuumadda Kenya ayaa waxay galaangal ugu jirtay tan iyo markii ay ciidamadeeda soo gelisay Koonfurta Soomaaliya sidii ay taageero ugu heli lahayd beesha caalamka, waxaana dhawaan ay sheegeen inay taageero ka raadinayaan dalalka Carabta iyo kuwa Islaamka.
Hoggaamiyayaasha dalka Imaaraadka Carabta ayaa sheegay in ay Kenya ka taageerayaan dagaalka ay kula jirto Al-shabaab oo awood badan ku leh Koonfurta Soomaaliya, waxaana ay sheegeen inuu soo dhaweynayaan hawlgalkaas.
Dawladda Imaaraadka Carabta ayaa hore y u taageertay dagaalada ay dawlada Soomaaliya iyo AMISOM kula jiraan Al-shabaab, waxaana ay noqonaysaa dawladdii ugu horeysay oo Islaam ah oo taageerta hawlgalka Kenya ay kawaddo Soomaaliya.
Madaxewynaha Kenya ayaa sheegay in hawgalka ay kawadaan Koonfurta Soomaaliya uu yahay mid ay ku doonayaan in ay meesha ka saaraan Al-shabaab oo ay ku eedeeyeen in ay mas'uul ka tahay falal ammaan-darro oo ka dhacay gudaha Kenya.
Al-shabaab ayaa kal hore uga digtay dalalka Carabta iyo kuwa Islaamka inay taageeraan hawlgalka ay Kenya kawaddo Koonfurta Soomaaliya, iyagoo sheegay inay ka go'an tahay inay la dagaalamaan ciidamada Kenya.