M. Zenawi Oo Sheegay Inu Qaab Milatari U Taageeri-doono Jabhadaha Ka Soo Horjeeda Afwerkiga- Eritrea
Saturday - December 3, 2011
Adis ababa -Labada jabhaddood ee ESF iyo RSADO ayaa sheegay inay weerar culus ku qaadeen saldhiyo ay ciidanka Eritrea ku leeyihiin koonfurta dalka wadankaas, halkaasna ay ku dileen ilaa 17 askari.
Weeraradaan oo dhacay subaxnimadii hore ee shalay, ayaa waxa ay ka dhaceen meesha la yiraahdo Enda Xaaji oo u dhaw Magaalada Tsorono ee ku taal xadka Eritrea ay la wadaagto Ethiobiya ... Jabhadahan ayaa waxa kale oo ay sheegteen in ay dhaawaceen shan askari, gacantana ku dhigeen labo askari.
" Ciidamadaydu waxa ay gacanta ku dhigeen labo askari, oo ah ciidanka dawlada,waxa ka dhintay 17 waxaana ka dhaawacmay shan," sidaas waxaa warbaahinta u sheegay Afhayeenka jabhadda RSADO, Yaasiin Maxamed.
Bishi April ee sanadkan ayey aheyd markii uu Ra'iisal-wasaaraha dalka Ethiopia Meles Zenawi, sheegay in wiixi hadda ka danbeeya ay dawladdiisa qaab military u taageeri-doonto jabhadaha doonaya in ay xukunka ka tuuraan maamulka isayas Afwerki.
