Dawlada Sh Shariif Oo Ku Hawlan Sidii Deegaanka Sanaag Bari Looga Dhisi Lahaa Maamulka Maakhir State
Wednesday - May 16, 2012
Dawlada Sheekh Shariif ayaa la sheegaya iney si cad ugu xiiqsantahay in ay taageerto maamulka Maakhir State laga hirgelinaayo deegaanada Sanaag Bari ee degto beesha Warsangeli.
Masuuliyiin ka tirsan xukuumada Soomaaliya oo toddobaadkan ka qaybgalay shir loogu magacdaray adkaynta kooxda Maakhir State oo ka dhacay Magaalada Minneapolis ee dalka Maraykanka , ayaa sheegay in nabad raadinta Soomaaliya lagu hirgelin karo maamulo ay beelo leeyihiin ee laga dhiso dhulka Sanaag Bari
Saraakiil ka tirsan ergada dublumaasiyiinta ah ee Magaalada New York u fadhiya Soomaaliya ayaa sheegay in ay taageero xoogle siinayaan maamulka Maakhir State oo ay doonayaan in uu ka shaqeeyo jiida ay ku dhaqan tahay beesha Warsangeli,iyada oo la siin doono xaquuq la mida maamulada kale ee ka jira Soomaaliya.
Waxa ay ka codsadeen odayaasha dhaqanka in ay bilaabeen wacyigelin dadka loogu sheegay maamulka ay dhisteen taageerada uu uga baahan yahay.
Dawlada Soomaaliya ayaa hore taageero ugu muujisay kooxaha Awdal State iyo Khaatumo oo ay gacanta ku hayaan dad aaminsan midnimada somaliweyn oo si gaara uga soo horjeeda cooni-goosatka Somaliland.