Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Sunday, 13 July 2025

Baarlamaanka Somaliya Oo La Horgeeyey Mooshin Ka Dhan Ah Heshiski Turkiga

Tuesday - April 23, 2013

Sida wararku ku soo gaarayo shabakadan galdogob Times ayaa xaqiijinaaya in baarlamaanka Somaliya loo gudbiyay Mooshin ku lidi ah Heshiiskii toddobada qoddob ahaa ee dawlada Somaliya ay la gashay maamulka Somaliland ee ay ku kala saxeexdeen magaaladda Ankara ee caasimadda Dalka Turkiga, kaasoo ay goob joog ka ahaayeen madaxweyne Xasan Shiikh iyo madaxweynaha maamul goboleedka Somaliland.

Fadhiga Golaha Baarlamaanka oo manta loo balansanaa in la hor dhigo mudanayaasha si ay uga doodaan ayaa codsi ka yimid madaxtooyada dib loogu dhigay, hsa ahaate Guddoomiyaha Baarlamaanka Somaliya Maxamed Cismaan Jawaari oo la hadlay saxaafadda ayaa sheegay in dib loogu dhigay kulan ay u balansan yihiin maanta Xildhibaanadii ka qayb galay shirkii Ankara iyo kuwa Mooshinka wata.

Xildhibaanada Mooshinka wata oo ku doodaya in meel aan xaqiiqo oolin lala abaaray heshiiskaas iyo khiyaameen la iska hoos baxayo ayaa u badan Mudanayaal Isir ahaan ka soo jeeda Goboladda Somaliland gaar ahaana Sool, Sanaag iyo Awdal, kuwaas oo uu hogaaminayo Xildhibaan Cali Khaliif Galayr, kuwaasoo ku doodaya Heshiiskii Ankara inuu Somaliland u aqoonsanayo Dal Madax banaan.

Dhinaca kale Guddoomiyaha Baarlamaanka Soamliya Mr Jawaari ayaa sheegay in labada bisha May Madaxweynaha Somaliya hor iman doono Baarlamaanka Soomaaliya si wax looga weydiiyo dhacdooyinkii u danbeeyay oo uu ka mid yahay Mooshinka lagaga soo horjeedoo Heshiiskii Ankara.

Mudanayaasha Baarlamaanka Somaliya ayaa u muuqda kuwo ku kala aragti duwan qorshayaasha Xukuumaddu ku shaqaynayso, waxaana hor yaala Mooshino kala duwan, iyadoo culaysyo kala duwani ka haystaan Maamulka laga dhisayo Jubba-land iyo Heshiiska Ankara, waxaana ka taagan ololayaal iska soo hor jeeda oo indhaha faraha la iska galiyo ka dhexabuuri kara khilaaf wiiqa fadhiyadooda.