Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Thursday, 17 July 2025

Eedeynti Abwaan Idaajaa Iyo Aw Jaamac Oo Weli Qodob Loo Cuskado La La'yahay

Thursday - June 6, 2013

Nin la baxay Aromo ayaa soo qoray maqaal uu u bixiyey http://www.keydmedia.net/article/article/voa-idaajaa_iyo_qabyaaladeynta_suugaanta/ Wuxuu ku dhaliilay arrin cajiib leh oo ah in suugaan yahannada uu xiganayo ay Daarood u badan yihiin, wuxuu doonayey wax lagu qoslo oo ah in suugaanta iyo hal abuurkii taariikhda galay ee Soomaaliya lagu qaybsado 4.5, su'aashuse waxay tahay, Idaajaa weli ma siisay magacyo dad taariikh iyo suugaanley ah oo noolaa horraantii qarnigii 20-aad iyo qarnigii 19-aad si uu u soo xigto? maya baan is leeyahay saa qolada aad wax u raadineysaa baba laha e !

Dadka soo baraarugey dhowaan (Hawiye) haddey caasimaddii ku fillaan weydey, haddii madaxtinimadii deeqi weysey, haddii VOA iyo BBC ay qabsadeen dacaayadoodana ka siidaayaan, haddii kuwii shalay qarankii Soomaaliyeed dumiyey welina aan garawshiyo laga helin, la yiri taliya haddii aad talo u ooman tihiin oo aad dad ku noqoneysaan dalka inta aad ka deggan tihiin baa ugu liitee. Weli ma gunuunuc iyo hoos ka guux baa ii baxaya !!!

Nimaan talin jirin hadduu taliyo nimaan tegi jirin baa taga, Faysal Cali Waraabe ayaa bishii May ee dhoweyd lahaa "goormaa Hawiye wax la weydiin jirey weligood maba taline" hadduu isku dayo inuu taliyona waa turunturoodaa, waxaa ka soo baxa background xumo iyo taariikh xumo, waxaa intaa u dheer isku kalsoonaan la'aan iyo rag iska dhici bilaash ah.

VOA waxay ku shaqaysaa aragtida qabqable Yabarow, iyado ujeedo ka leh waxay dacaayad u samaysaa Barre Hiiraale oo guri kaga xiran Kismaayo oo aan gacan wax ugu jirin, waxay fidisaa dacaayadaha ka dhanka ah Jubbaland, sidaas ooy tahay weli ma aragtay Mr Aromow qof ka jawaabey oo ka qayliyey?

Adigu barnaamijkii Idaajaa baad daba joogtaa, war intii kale oo dhan haddaad haysato duf ku baxe gun ma ahid miyaa?

Hawiye yiri suugaan baan ka hadlayaa wuxuu la mid yahay Dameer yiri waan Heesayaa, goormayse suugaantu noqotay hilbo qaybsi lagu cabbiro 4.5, hal abuur ninkii Alle ka dhigay oo u dhaliyey baa ah, haddii ay gobollo gaar ah u bateen waa idinka iyo nasiibkiin, suugaanta Soomaalida xooggeedu waxay taal Hawd iyo Nugaal, 95%, dhulkaa waxaa u badan Daarood oo ahmiyadda suugaanta looga dambeeyo, waxaa soo raaca Isaaq, tu'saale ahaan gabyaagii taariikhda galay 80% Daarood bay ahaayeen, 19% Isaaq bay ahaayeen, xitaa halka soo haray ma hubo in Hawiye wax ka yahay. Marka adigu iska ganuunuc oo Ilaahay la dirir, Ilaahay oo lala diriro waxaa kamid ah in abuurtiisa la naqdiyo, waayo Beesha Daarood haddii halgamaashii dalka iyo Suugaanleydii uu Eebbe u badiyey, markaa waxaa dacwo ka qabtaa oo la dagaalsan tahay abuurtii eebbe. Ok, hadda suugaanta uu Idaajaa ka warramo imisaad rabtaa in Hawiye ama Habargidir laga siiyo? adigu isa soo sharrax aan abwaan kugu magacawnee, illeyn intaasaa dhimane  .. waan ka baxay