Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Thursday, 17 July 2025

Korneyl Yaasiin Raadaar Oo Maanta Kismayo Lagu Dhaawacay

Tuesday - June 18, 2013

Kismaayo– Gudoomiye ku Xegeenkii Maamulkii kumeel-gaarka ahaa ee Kismaayo isla markaasna hada ka mid ah Saraakiisha Dowlada Jubaland Yaasiin Raadaar ayaa maanta kooxo hubeysan oo la hayb ah weerareen waxaana soo gaaray dhawac halis ah.

Mudane Yasiin Raadaar ayaa  la xaqiijiyey in kooxda Weerartay oo la hayb garanayo isla markaasna ninka weerarka Geystey ayaa la sheegey inuu ahaa Bashiir Qujir oo ay heyb ahaan aad isugu dhowtyihiin Yaasiin Raadaar, wuxuuna kamid ahaan jirey ilaaladiisa gaarka ah, waxaa sidaas xaqiijiyey Sargaal ka tirsan Ciidanka Amaanka Jubaland.

Waxaa hada lagu daweynayaa Yasiin Raadaar Isbitaal Mobil ah oo Cidanka Amisom leeyihiin, waxaana la qaban-qaabinayaa in loo qaado Nairobi sida ugu dhakhsaha badan.

Masuulkaan ayaa la sheegey iney laba Xabadood Madaxa uga dhaceen mid isha hoosteeda ayay ku taal, waxaa sidaas shegeey mid kamid ah kooxaha Caafimaadka Kismaayo.

Taliye Yaasiin Raadar ayaa Xiliga weererku dhacayo wuxuu u socdey raga is baarada dhigtay oo uu doonayay inuu la soo hadlo, waxaana jira Warar sheegeya in Nimankaan baryahaanba laga shakisanaa oo ay xiriir toosa la lahaayeen Dhinaca Muqdisho.

Madaxweyne Xigeenka Jubaland Cabdulaahi Fartaag ayaa goor dhaweyd isugu yeerey Saraakiisha Ciidanka wuxuuna qabqabashada danbilayaashaas u saaray ciidan gaara oo hawlgal ku sameeya.