Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 18 July 2025

BREAKING NEWS - Wadahadaladi Maamulka Jubaland Iyo DF Oo Loo Weeciyey Adis Ababa, Itoobiya

Friday - June 21, 2013

Adis ababa– Xigasho Puntlandi .com – Warar Dublamaasiyadeed oo rasmi ah oo ay heleen Howlwadeenada Puntlandi ayaa sheegey in Shirkii dhexmari lahaa Dowlada Federaalka iyo Jubaland loo weeciyay magaalada  Adis Ababa, islamarkaana uuna dhacayo Sadex todobaad gudahood.

Dadaal dheer oo ay galeen Dowladaha IGAD, Beesha Caalamku iyo Dowlada Jubaland ayaa culeys lagu saarey Madaxweyne Xasan Sheikh inuu aqbalo in Wadahadalada lagu qabto Magaalada Adis Ababa ee Dalka Itoobiya.

Arintaan ayaa timid ka dib markii Masuuliyiinta Jubaland, Dowladaha IGAD iyo Beesha Caalamka ay ka dayriyeen Xaalada Nabadgalyo iyo mida Siyaasadeed ee ka jirta Magaalada Muqdisho oo bilihii ugu danbeeysay ay ka soo dareeysay.
Maalmahaan ayaa waxa socdey Muran daba dheeraadey oo u dhexeeya masuuliyiinta maamulka Jubaland iyo Dowladda Federaalka kasoo ku saabsanaa goobta shirka lagu qabanayo oo lagu kala aragti duwanaa, iyadoo Madaxweyne Xasan Sheekh uu aad ugu dhaganaa in shirka lagu qabto Jabuuti, Muqdisho ama Kampala, Halka Masuuliyiinta Jubaland-na ay iyana soo jeediyeen Kismaayo, Garowe, Nairobi ama Adis Ababa.

Ugu dambeyntii Waxaa qalinka lagu duugey in Shirka Wadahadalka ee u dhexeeya Maamulka Jubaland iyo Dowlada Federaalka lagu qabto Magaalada Adis Ababa ee Xarunta Wadanka Itoobiya.

Haddii madaxda Jubaland iyo DF ku heshiyaan shirkaan ka dhacaya Adis Ababa ayaa meesha ka saareysa mugdigii labada maamul ku dhex jiray iyadoo markaasna loo gudbayo in la dhameystiro maamul goboleedyadii kale ee dalka.