Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 18 July 2025

Naf La Caari Xasan Daahir Aweys Oo Si Sanduleysan Iyo Gardaduub Dayaard Lagu Saari Rabo

Saturday - June 29, 2013

Cadaado: Sida wararka ka soo baxaya cadaada ay xaqijinayaan waxaa si kama dambeysa maamulka ximin Iyo Xeeb go'aansadeen in wadadka quusta looga istaagay wax u sheega Xasan Daahir Aweys inta asaasaqa torarogtiisa laga baxo dayaarad si jajuub iyo afduub lagu saaro illa Mogdisho

Arintaan waxay ka dambeysay markii qodobo xalay lagu heshiiyey oo Xasan Daahir iyo wafdigii Cadaado tagay uu isbadal ku yimid markii Xasan Daahir uu ka gilgishay inuu fuliyo qodobadii uu xalay ogolaaday.

Gar ma Qaate Xasan Daahir waxa uu xalay sheegay inuu u hogaansami-doono Muqdisho in loo soo qaado laakiin saaka markii loo tagay ayuu si indho adkaana u diiday kana baxay heshiiskii uu xalay galay, waxaana taa sabay oo la sheegay in rag xigtadiisa ah ay ku soo wargaliyeen in mareykanka si faramarooqsi ah gacanta loo galinaayo oo loo qaadi-doono dalal ka basan geeska afrika oo halkaas isago karantiilan lagu karbaashi-doono.

Ciidamo hubeysan oo ka tirsan Maamulka Ximan iyo Xeeb ayaa markaasi kadib waxay aadeen gurigii ay ku sugnaayeen Xasan Daahir waxaana ay xabsiga u taxaabeen 10-kii ruux ee Xasan daahir Aweys la socday.

Wararka ugu dambeeyey ee naga soo gaaraya Cadaado ayaa waxay sheegayaan in Maamulka ximan iyo Xeeb ay diyaarad u dalbeen Xasan Daahir Aweys si khasab ahna ay Muqdisho usoo duulin doonaan