Qul-Qulatooyin Ka Socda Burco Oo Ka Dhashay Taliyihi Qaybta Boliska Oo La Badalay

Burco- Mudaharaad saaka mar kale ka curtay magaaladda Burco ayaa wararka ka soo baxayaa ay sheegayaan in laba Qof ku dhinteen laba kalena ku dhaawacmeen, iyadoo uu mudaharaadku sii xoogaysanayo, isla markaana dadweynuhu gadoodka sii xoojinayaan.

Wariyaaasha Gobolkaas ayaa ku soo waramaya in Agaasimaha Cisbitaalka Burco C/qaadir Muruq Liqe u xaqiijiyey Hal qof dhimashadiisa iyo laba dhaawac ah, halka qof kale oo aan illaa hadda la xaqiijina la soo sheegayo dhimashadiisa.

Xaalada Burco ayaa u muuqata mid mudaharaadyadu ku sii fidinayaan iyadoo qul qulatooyinka ay bilaabeen xaafadaha magaaladda kuwaaso ilaa xalay abaabulkooda soo taxnaa isla markaana dhawr jeer la isku dayey in la bakhtiiyo.

Qul qulatooyinka ka socda Burco ayaa ka dhashay Taliyihii Qaybta Booliiska Burco oo la bedelay, kaasoo ay dadweynaha Galbeedka Burco dad iska soo abaabulay diidan yihiin.