Dhagihi C/Weli Sh. Oo Ay Ku Shubeen Virus Oo Soo Magacaabay Wasiiro Bac La Afuufay Ah
Thursday - January 16, 2014
Raisulwasaaraha Soomaaliya C/weli Sheekh Axmed ayaa goor dhow isagoo is hafraaya ku dhawaaqay golaha Wasiirrada cusub ee Xukuumadda Federaalka Soomaaliya ayadoo Munaasabadda magacaabistana ay ka socotay xarunta Madaxtooyada Qaranka, laakiin sida la cadeeyey xafladaas kama soo qayb galin madaxweyne Xasan iyo G. Baarlamaanka, waxaase kaashif loo arkaya in liiska wasiirada intooda badan gaar ahaan kuwa muhimka ah ay ka socdaan dhinaca madaxweyne Xasan taaso lagu micneeyey in mindidi boqnaha gooysay Saacid ay markaana taalo madaxa C/Weli shiikh .. Xasan Shiikh seefti golaha wasiirada waxuu u dhiibtay Ragiisi beri u ku kala go'yn lahaa C/weli sida kan Amniga, arimaha gudaha iyo Fedaraalka,garsoorka iyo dastuurka, warfaafinta iyo maaliyada iyo kuwa kalaba
Raisul-wasaare C/Weli Shiikh oo beenti iyo khiyaaligi la isku maawelin jiray dan mooday ayaa tilmaamay in magacaabistan ay ka dambeyso wadatashi ballaaran islamarkaana uu ka ogolaadan Madaxweynaha Jamhuuriyadda Federaalka Soomaaliya Mudane Xasan Sheekh Maxamuud Waxaana uu ka codsaday Xildhibaannada Baarlamaanka iney ansixiyaan Golaha Wasiirrada taaso ujeedadiisu tahay inu dabool u yeelo caashaqa Xasan garguurte, hadana bayr isu yeelo oo iska dhigo nin kaligi wax soo qoondeeyey.
Golaha Wasiirrada ee uu soo dhisay Raisulwasaaraha ayaa lagu tilmaamaya xaaladoodu kuwa ah baco la afuufay oo kala baxday, waxayna ka kooban yihiin 25-Wasiir, Shan Wasiiru-dowle iyo 25 Wasiir Ku xigeen waxaana magacyadooda ay kala yihiin sidan:-
Wasiirka Arrimaha Gudaha iyo Federaalka Mudane C/laahi Goodax Bare
Wasiirka Maalliyadda Mudane Xuseen Cabdi Xalane
Wasiirka Gaashaandhigga Mudane Maxamed Sheekh Xasan Xaamud
Wasiirka Arrimaha Dibadda iyo Iskaashiga Caalamiga Mudane C/raxmaan Ducaale Beyle
Wasiirka Amniga Qaranka Mudane C/kariin Xuseen Guuleed
Wasiirka Waxbarashada Mudane Axmed Maxamed Guraase
Wasiirka Dekedaha iyo Gaadiidka Badda Mudane Yuusuf Cali Aamiin
Wasiirka Qorsheynta Mudane Saciid C/laahi Maxamed
Wasiirka Garsoorka iyo Arrimaha Dastuurka Mudane Faarax Sheekh C/qaadir Maxamed
Wasiirka Tamarta iyo Biyaha Mudane Jaamac Axmed Maxamed (Oday)
Wasiirka Warfaafinta Mudane Mustaf Sheekh Cali Dhuxuloow
Wasiirka Gaadiidka iyo Duulinta Hawada Mudane Saciid Jaamac Maxamed Qoorsheel
Wasiirka Shaqada iyo Arrimaha Bulshada Mudane Nucmaan Sheekh Ismaaciil
Wasiirka Boostada iyo Isgaarsiinta Mudane Maxamed Ibraaahin Xaaji Aadan
Wasiirka Beeraha Mudane Cabdi Axmed
Wasiirka Sportiga iyo Dhalinyarada Mudane Khaalid Cumar Cali
Wasiirka Hidaha iyo Tacliinta Sare Mudane Ducaale Aadan Maxamed
Wasiirka Ganacsiga iyo Warshadaha Mudane Aadan Maxamed Nuur
Wasiirka Howlaha Guud iyo Dib U Dhiska Eng Nadiifo Maxamed Cusmaan
Wasiirka Haweenka iyo Hormarinta Xuquuqda Aadanaha Khadiijo Maxamed Diiriye
Wasiirka Kalluumeysiga iyo Kheyraadka Badda Mudane Maxamed Coloow Baroow
Wasiirka Macdanta Mudane Daauud Maxamed Cumar
Wasiirka Xanaanada Xoolaha,Dhirta iyo Daaqa Mudane Saalim Caliyoow Ibroow
Wasiirka Caafimaadka Mudane General Axmed Maxamed Maxamuud
Ku XIgeenka Raisulwasaaraha ahna Wasiirka Diinta iyo Awqaafta Mudane Ridwaan Xirsi Maxamed
