Mareykanka oo sheegay in weerar cirka uu ku dilay Sarkaal sare oo ka tirsana Al-Shabaab

Mareykanka ayaa sheegay in weerar ay fuliyeen diyaaradaha aan duuliyaha laheyn ee Drone ay shalay gelinkii dambe ku dileen Sarkaal sare oo ka tirsan Shabaab inta u dhaxeysa degmada Baraawe iyo Sablaale ee Gobolka Shabeelaha Hoose.
Wasaarada Difaaca Mareykanka ayaa sheegtay in weerarka lagu bartilmaameedsaday uu sarkaalka uu ahaa mid aad ugu dhowaa Hogaamiyaha Al-Shabaab Axmed Cabdi Godane.

Sarkaalka la dilay ayaa lagu magacaabi jiray Sahal Isku Dhuuq oo Camuu lagu naaneysi jiray, waxaana la xaqiijiyay inuu ahaa Madaxii Caafimaadka Al-Shabaab.

Diyaarada aan duuliyaha laheyn ee Drone ayaa gantaal ku dhifatay kolonyo uu saarnaa sarkaalkan, waxaana la sheegayaa in sidoo kale ay ku dhinteen qaar ka tirsan Ilaaladiisa iyo darawalkii gaariga.

Dadka deegaanka ayaa sheegaya in koloyada la weeraray ay ahaayeen dhowr baabuur oo ka yimid degmada Diisoor, waxaana maalmihii u dambeeyay deegaanadaas dul heehaabayay diyaaradaha aan duuliyaha laheyn.

Al-Shabaab ayaa wali hadlin weerarka ay fulisay diyaarada Drones loo yaqaano, iyadoo bishii October ee sanadkii hore ay diyaarad Drone ah meel ku dhow degmada Jilib ay ku dishay sarkaal lagu magacaabayay Anta Anta oo qaabilsanaa sameynta