Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 24 January 2025

Madaxweynaha P/L Mr. Gaas Oo Ciidamadi ilaaladiisa Mogdisho U Si Kaxeystay

Thursday - Feb 6, 2014

Muqdisho-Madaxwaynaha Maamul Gobolleedka Puntland,Cabdweli Maxamed Cali (Gaas), ayaa maanta ka degay Magaalada Muqdisho, waxaana halkaasi ku soo dhaweeyay Raysal-wasaaare Cabdiweli Sheekh Axmed.

Madaxwaynaha Puntland oo ka qayb-galaya aas loo samaynayo Raysal-wasaarihii hore ee Soomaaliya, Cabdirisaaq Xaaji Xuseen oo dhawaan ku geeriyooday dalka Maraykanka, ayaa la kulan la yeeshay Madaxwaynaha iyo Raysal-wasaaraha Soomaaliya, kulankaasi oo la sheegay inuu ku ekaa salaam iyo is xog-wareysi kooban oo la xariira ammaanka iyo wada shaqeynta labada dhinac.

Madaxwaynaha Puntland oo diyaarad khaas ah ku tagay Magaalada Muqdisho, ayaa waxa wehelinayey ciidamo gaar ah oo sugaya ammaankiisa maalinta berri ah marka uu ka qayb-galayo aaska Marxuum Cabdirisaaq Xaaji Xuseen Alle ha u naxariistee.

Ciidamada ayaa muujinayaa inaan Madaxwayne Gaas uu warwar weyn ka qabo in dhibaato ka soo gaarto magaalada Muqdisho, maadaama kooxaha Al-shabaab ay ayaamahaan dambe duqaymo ka wadaan.