Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Thursday, 23 January 2025

Itoobiya Airlines Oo Duulimaadyo Ka Bilaabeysa Magalada Mogdisho

Wednesday - Feb 19, 2014

Muqdisho-Shirkadda Duulimaadyada ee Ethiopia airlines ayaa bilaabi doonta duulimaadyo ay ku tegayso magaalada Muqdisho ee wadanka Somaliya, kadib heshiis ay kala saxeexdeen Dawladda Soomaaliya iyo dawladda Itoobiya.

Wasiirka Duulista Hawada iyo Gaadiidka Somaliya Siciid Jaamac Qorsheel oo dhowaan booqasho ku tegay dalka Itoobiya, ayaa warbaahinta dawladda Somaliya u sheegay inay duulimaadyadu dhawaan bilaabmi doonaan, isagoo intaas raaciyay in heshiiska ay Itoobiya iyo Somaliya kala saxeexdeen uu sidoo kale dhigayo inay Itoobiya tababar siiso shaqaalaha duulista iyo hawada ee Somaliya.

Somaliya iyo Itoobiya ayaa heshiiska kala saxeexday Jimcihii, ka dib markii uu wadankaas booqday wefti uu hoggaaminayay Raysalwasaaraha Somaliya.