Taliye Muumin M. Muumin Oo Balaayo Ku Soo Hamaansatay Si Ulakac Ahna Loogu Dilay Bartamaha Galdogob

Galdogob- War goor dhaweyd nala soo gaarsiiyey ayaa nala ku wargaliyey in maanta bartamaha magaalada lagu dilay taliyihi saldhiga degmada Galdogob Muumin Maxamed Muumin .. waxaana la sheegay in falkaas dilka macno darada ah u geeystay wiil dhalinyaro ah oo ka mid ahaa ilaaladiisa gaarka ah, lamana cadeyn illa hadda sababta wiilkaas ku kaliftay inu dilkaas geysto walow hadal-haynta dhaga-dhageynta suuqa dadka qaarkiis si mala awaala ay ku leeyihiin waxuu ahaa mid caada-qaate gacanta loo soo Qooyey oo ay soo basbaaseyeen kuwa dhuxulaha dabka ah la wareegaya ee al-shabaab, laakiin qaar kale ayaa iyana lahaa is-man-dhaaf muran ayaa jiray . koleyba dhagar-qabaha dabagal iyo mid xuuraanba ayaa cagta cagta loo saaray, waxaana la leeyahay raad rajo fiican ayaa la haya Oo lagu hanweynyahay in la soo qabto.