Dawlada Boqortooyada Sacuudiga Oo Laba Kun Neef Geel Ah Ku Soo Celisay Dekada Berbara
Wednesday - March 19, 2014
Berbera-Dawladda boqortoyada Sucuudiga ayaa dekedda Berbera dib ugu soo celisay geel tiradiisa lagu sheegay laba kun oo neef oo bishan ka amba-baxay dekedda Berbera, geelan oo la filayaa inay caawa soo gaaraan dekada Berbera ayaa loo diyaar garoobaaya sidi loo dajin-lahaa
Geelan ayaa la sheegay inay dawladda Sucuudigu sheegtay in laga helay xanuunka loo yaqaan Buruseelaha, laakiin waxaa markabka laga dejiyay Ari saarnaa oo Berbera laga dhoofiyey, kaas oo isagu sida la xusay caafimaad qabay.
Laakiin talaabadan ayaa ceeb ku noqon karta maxjarka Berbera ee ay xooluhu ka dhoofeen oo ay ka muuqato inaan si wanaagsan loogu baarin xoolahan ka hor intii aanay dhoofin. maamulka Somaliland ayaa la eegayaa sida ay u waajahdo arrintan, iyadoo ay xooluhu yihiin laf-dhabarta dhaqaalaha Somaliland..
