Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Thursday, 23 January 2025

Qorshe Abaabul Dagaal Oo Baydhabo Ka Socda Iyo Hub Halkaasi Gaaray

Tuesday - April 1, 2014

Baydhabo- Warar ay si hoose loo helay ayaa waxay sheegayaan in magaalada Baydhaba uu ka soconaayo abaabul dagaal islamarkaana ay wadaan xubno ka mid ah Lixda gobal ee K/galbeed.

Sida wararka ay sheegayaan waxaa Baydhaba si hoose u gaaray hub ay si wadajir ah u leeyihiin Maxamed Ibraahim Xaabsade, Madoowe Nuunoow, iyo Aadan Madoobe.
Mid ka mid ah siyaasiintaan abaabulka ku dhaw dadka saaxiibka la ah ayaa  sheegay  in xaaladda Baydhaba laga yaabo in deg deg ay isku bedasho hadii aan xal rasmi ah loo keenin.

Dhanka kale Maamulka sadaxda gobal ayaa la sheegay inu haysto taageerada dowladda Fedaralka Soomaaliya, war hoose oo la helayna ayaa isna sheegaya in aqoonsiga maamulka sadaxda gobol la aqoonsaday balse la sugaayo oo kaliya ku dhawaaqida.

Ciidanka taageersan Maamulka sadaxda gobal ayaa ah kuwa aan la loodin-karin, waxaana laga yaaba in hadii ay rabshado sameeyaan kooxda la baxay maamulka lixda gobal si xoog ah loo soo af jari-doono sababato ah ma haystaan taageerada shacabka ku dhaqan baydhaba.