Madaxweyne Gaas Oo Dareenkiisa U Gudbiyey Wax Garadka Miisaanka Ku Leh Masraxa Siyaasada G/kacyo
Wednesday - April 9, 2014
Gaalkacyo- Madaxweynaha Dowlada Puntland C/wali Maxamed Cali Gaas ayaa waxaa uu xalay Gaalkacyo kulan xasaasi ah isugu yeerey dhamaan jilba culusta odayaasha dhaqanka ee magaalada Gaalkacyo kulanka oo saxaafada ay dibad joog ka ahayd ayaa qaar kamid ah odayasha ka war bixyeen.
Madaxweyne Gaas ayaa waxaa uu odayaasha aad ugu canaantay sababta ay faraha uga laabanayaan guud ahaan xaalka magaalada Gaalkacyo & kala qoqobnaanta odayaasha dhaqanka ee magaalada Gaalkacyo isagoo si qoto hoose ah ugala hadlay sababaha kalintii dhaqanka ay u maqan tahay.
Xaaladihii ugu dambeeyay ayaa waxaa uu aad ugala hadlay odayaasha & qaabkii ay kaalintii dhaqanka ay uga qayb qaadan lahaayeen si xalka rasmigaa loo gaaro loona ogaado sababaha dhabtaa ee dhibkaan ka dambeeya waxaana jira in odayaasha dhaqanka ay madaxweynaha iyana ay dhankooda hadalo u jeediyeen.
Odayaasha dhaqanka ayaa waxaa ay madaxweynaha ku qanciyeen inay kaalinkooda kasoo dhaalali doonaan dibna ay shir isugu labanayaan dhex dooda xukumadana ay tabasho jirto hase ahaatee si guud loo xaliyo wixii dhaqanka ahna ay sixi doonaan odayaasha dhankooda.
