R/W C/Weli Oo Safaro Ku Kala Bixin-doona Kenya, Itoobiya, Puntland Iyo M/weyne Gaas Oo U Duulay ....
Thursday - April 24, 2014
Mogadisho- Sida la carbaabay bisha May horaanteeda ayaa Raysal wasaaraha Dowlada Federaalka Soomaaliya Mudane Cadiwali Sheikh Axmed wuxuu bilaabayaa safaro shaqo oo uu ku aadayo Wadamada Dariska qaarkood iyo Puntland.
Raysal wasaare Cabdiwali Shiikh wuxuu 3 ama 4 may booqanayaa Kenya,waxaa kaloo laga yaabaa inuu Itoobiya uga sii gudbo.
Safarkii bishaan April uu Raysal wasaaruhu ku aadi lahaa Puntland ayaa u baaqdey howlo la xiriira safarkiisii Kismaayo oo ka dheeraadey wakhtigii loo qoondeeyey iyo waliba Madaxweyne Gaas oo ay saamixi waydey inuu qaabilo Raysal wasaaraha xiligaas waayo Madaxweyne Gaas wuxuu isna aad ugu mashquulsanaa Howlo xukuumada Puntland aad muhiim ugu ahaa oo uu kadwadey Gobolada Puntlan.
Dhinaca kale Madaxweynaha Dowlada Puntland Dr. Cabdiweli Maxamed Cali Gaas ayaa saaka u duulay dalka Ethiopia ka dib markii uu Caasumaad ka helay Madaxda ugu saraysa dalkaasi.
Dr. Cabdiweli Maxamed Cali Gaas ayaa waxaa Safarkiisa ku weheliyay Wasiirka amniga Puntland Xassan Cismaan Aloore iyo Wasiirka Waxbaarshada Dr. Cali Xaaji Warsame.
Madaxweynaha Puntland oo Saxaafada kula hadlay Garoonka Diyaaraha ee Cabdulaahi Yuusuf ee magaalada Gaalkacyo ka hor inta uusan ka dhoofin ayaa sheegay inuu Adisababa kaga qaybgali doono Shir heer Caalami ah kaasi oo ay kaso qayb galayaan Madax kala duwan.
Mudane Gaas ayaa todobaadyadii ugu dambeeyay Safaro kala duwan ku kala bixinayay degmooyin hoosta Gobolka Mudug,waxana Bulshada Mudug uu Madaxweynuhu kala kulmahy soo dhowayn diiran.
