Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 24 January 2025

War-Weyn-Xagletoosiye Iyo Cali Galeyr Oo Si Yooyootan La'aan Midba Dhiniciisa Ku Heesaya Buuhoodle

Sunday - May 4, 2014

Buhoodle-Wasiirka caafimaadka Somaliland Saleebaan Xaglatoosiye ayaa gudaha magaalada Buhoodle galay markii u horeysay tan iyo intii uu ku biiray ama noqday wasiir ka mid ah golaha Xukumada Somaliland.

Wasiir Xaglatoosiye ayay duleedka Buhoodle kaga hor-yimaadeen Gaadiid iyo dadweyne faro badan kuwaas oo u gelbiyey gudaha magaalada halkaasoo si diiran loogu soo dhaweeyay.

Wasiir xaglatoosiye oo hayb ahaan ka soo jeeda degaanka Buhoodle ahaana Gudoomiyaha jabhadii Burburtay ee SSC intaanu Somlialand u soo galin ayaa taageerayaal halkaas ku leh.

Geesta kalena waxaa maalmahanba ku sugnaa Buhoodle wafuud kala gedisan oo qaarkood ka socdaan Maamulka Khaatumo State iyo Xildhibaano ka socda Dawlada Federaalka Somaliya oo uu hogaaminaayo Cali khaliif Galayr hase yeeshee ma jiraan wax iskudhac,xamaasad ama yooyootan oo u dhexeeya wefuudan wejiyada badan leh ee ku wada sugan gudaha Buhoodle kana kala socda sadexda Jiho.