Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 24 January 2025

Maxkamad Oo Xilkii Ka Qaaday Raysal- Wasaarihii Dalka Thailand

Friday - May 9, 2014

Bangkok- Maxkamada Dastuuriga ah ee wadanka Thailand ayaa soo saartay go’aan xilka lagaga xayuubiyay Raysal-wasaaraha iyo 9 ka mid ah Wasiirada xukuumada.

Go’aankan ayaa daba socday dacwad ka dhan ah Raysal-wasaare Yingluck Shinwatra oo lagu eedeeyey inay ku takri-fashay awooda xafiiskeeda.

Haweenayda Raysal-wasaaraha ah ayaa lagu eedeeyey inay si khaldan xil wareejin ugu samaysay mid ka mid ah agaasimayaasha dawlada Thailand.

Bilihii la soo dhaafay ayay magaalada Bangkok ee caasimada Thailand ka socdeen mudaharaadyo lagaga soo horjeedo xukuumada Shinwatra.

Raysal-wasaare kuxigeenka Thailand Niwatthamrong Boonsongphaisan ayaa loo magacaabay Raysalwasaaraha kumeel-gaarka ah.