Dagaal Beeleed Oo Ka Dhacay Shabeelada Hoose

Afgooye- Wararka naga soo gaaraya gobalka Shabeellaha Hoose ayaa sheegaya in halkaas ay dib uga qaxeen dagaal beeleedyo kuwaasoo geestay khasaaro dhimmasho iyo dhaawac ah.
Guddoomiyaha gobalka Shabeellaha Hoose Cabdiqaadir Maxamed Nuur Siidii ayaa sheegay in dagaalka uu u dhexeeyo maleeshiyo beeleedyo deggan gobalkaas oo ah biyomaal iyo Habargidir

Wuxuu sheegay in ay ka xun yihiin dagaalka dib uga soo cusboonaaday gobalka, isagoona ka hadlaayay khasaaraha halkaas ka dhashay ayuu carabka ku dhuftay in shan qof ay ku dhinteen afar kalena ay ku dhaawacmeen.

Dhinaca kalana, magaalada Muqdishu ayaa maanta waxaa ka dhacday xaflad uu xilka ku wareejinayo wasiirkii hore ee amniga Cabdikariim Xuseen Guuleed oo xilkaasi ku wareejiyey ku simaha jagadaasi, isla markaana ah wasiirka gaashaandhiga Maxamed Sheekh Xasan. Wasiirka Gaashaandhigga ayaa sheegay inay wax ka qaban doonaan xiisadda dagaal ee Gobolka Shabeellaha Hose.