Odayaal Beesha Isaaq Oo La Dilay Iyo Nabadi Degaamada Sh/Hoose Oo Si Fadarawday

Janaale - Wararka naga soo gaaraya Tuulada Busley Daa'uud ee deegaanka Janaale ee gobolka shabeelada hoose ayaa sheegaya in shalay si bareer ah halkaas loogu toogtay laba oday oo ka soo jeeda beesha Isaaq

Waxaana la sheegay in markii maleeshiyaad ka soo jeeda beesha habar-gidir ay labadaas Oday kala baxeen guryahoodii iyagoo ku sababaynaya in beesha Isaaq ee halkaasi dagan ay hubayso beesha Biyo-maal oo ay ku dagaalamaan deegaankaasi.

Labadan oday oo mid dhaawac halis ah la soo gaarsiiyay xaga Marka, iyadoo midkii kalana uu ku naf waayey  alle ha u naxariistee goobti lagu toogtay, waxaanay kala ahaayeen

1- Marxuum Maxmuud Cali ileeye (H/AWAL /JIBRIL ABOKOR )  da,diisuna waxay ahayd 75 jir  waxaanu tuulada busley ku noolaa in ka badan 50 sano

2- Axmed nuur  Cabdalla  (H/Yonis/Rer Caynanshe) Da,diisuna waxay ahayd 89 Jir isna ku noolaa deegaanka in ka badan 50 sano

Waxgaradka iyo odayaasha bulshada beeralayda ah ee deegaankaasi Busley degan ee ka soo jeeda beesha isaaqa ayaa ka digay cawaaqib xumo ka dhalan karta falkan isla markaana wax yeelaysa isku dhex noolaanshaha bulshadaaasi beeralayda ah ee deegaankaasi ku wada nool.