Waa Shabakad U BAN BAXDAY WARAR SUGAN IYO RAAD RAACA TAARIIKHDA.
Friday, 24 January 2025

Is Casil .. Dhambaal Loogu Baaqay Danjire Maxamed Salax Annadiif

Friday - June 20, 2014

Muqdisho - Qoraal saxaafadda loogu talagalay oo ka soo baxay xafiiska AMISOM ayaa lagu sheegay in madixii howgalka Midowga Africa ee AMISOM uu is-casilay.

Qoraalka laguma sheegin sababta uu isku casilay balse wuxuu danjire Annadiif uu warbixintiisi ammaan u jeediyay madaxda dawlada iyo gaar ahaan shacabka Soomaalida oo uu sheegay in ay kalsooni badan siiyeen muddada uu xilka hayay .. War-saxaafadeedka ayaa intaa si raaciyey in mr.Annadiif xafiiska ka tagi doono 2-da bisha July ee soo socota., iyadoo xilkaas ay sii heyn doonta ku xigeenkiisa oo ah haweeney u dhalatay dalka Uganda taasoo lagu magacaabo Lidia Wyootta.

Ninkan oo u dhashay dalka Chad ayaa muddo sannad iyo bar xilka hayay, waxaana la sheegay in uu wax badan ka qabtay howlgalka AMISOM ee Soomaaliya, hasa ahaate is casilaadiisa ayaa siyaasiyiin arimahiisa la socota ay la xariirinayaan in Mr. Anndif hunguri juq-juq lagu riday, dabadeedna u far galiyey arimaha Jubaland iyo Kenya, taaso keentay in dhiniciisa waayahaanba dacwad taxana ah iyo dood talantali ah lagu afuufo, waxaana la sheegay is casilaadiisi kadib in madaxdiisa ku Tiri: Oday Mr. Anndif iska raali-ahaow inta aadan boodin waxay ahayd inaad iska hubiso halka aad ku dhaceyso: