Hub Maanta Laga Helay Garaash U Leeyahay Cismaan Caato

Ciidamada sida gaarka u tababaran ee loo yaqaan Alfa group ayaa saakay waxa ay magaalada muqdisho ka sameeyeen howlgalo balaaran, howlgal-kaan oo u xoogiisu ka dhacay degmada hodan halka loo yaqaan Seebiyaano ee raacsan degmada Hodan, saraakiisha hogaamineysay howlgalkaan ayaa sheegay inay gacanta ku soo dhigeen hub badan, waxaana la sheegay in hubkaasi uu ku jiray garaash uu lahaa cusmaan caato oo kamid ahaa hogaamiye kooxeedyadii dalka soo maray.

Howlgalka intii ay ciidamada ku guda jireen ayeey galeen Garaash weyn oo uu leeyahay Cismaan Caato, kaasi oo ku yaala Xaafada Saybiyaano, waxaana ciidamada u suuragashay inay gacanta ku soo dhigaan hubkii Garaashka lagu qarinaaye, mana jirto ilaa hada  faah-faahin ay dowlada ka bixisay hubkaasi inta uu la eeg yahay, balse waxaa loo soo bandhigay muuqaalka hubkaasi oo yar yar iyo waaweyn isugu jiray, sidoo kalena lama sheegin cida iska leh hubkaasi oo la soo qabtay.

Ilo xog ogaal ah ayaa tilmaamaya in hubka la qabtay ay lahaayeen rag ay aad isugu dhowyihiin wasiirka amniga khaliif ereg, waxaana loo adeegsan jiray in khalkhal lagu geliyo amaanka caasimda. Wararka waxaa ay intaas ku darayaan in khaliif ereg uu wax ka ogaa hubkan markiisii hore.

Si kastaba ha ahaatee muqdisho ayaa noqotay meel bahalo galeen, waxaana goor walba ka dhaca falal amniga kadhan ah, mana jirto cid loosoo qabto falalka maalin kasta ka dhaca caasimda dalka.

Xildhibaano badan ayaa soo jeediyay inay adagtahay in lagu shaqeeyo muqdisho waxaana ay sheegeen in loo baahan yahay in xarumaha dowlada loo wareejiyo gobolada nabdoon ee dalka.