Xulashada Hogaamiye Qiimihiisu Ha Ahaado Waxa Shakhsiyadiisu Ku Sifowdo .. Madaxweyne Ismaciil Cumar Geelle Waa Istaahila Hambalyo

Tuesday - April 12, 2016

Madaxweynaha Jabuti waa Nin u taliya dalkiisa  ..  dalkiisa ku arki maysid qabiil ka hanjabaya TV-ga iyo mediyada .. arki maysid Malaaq iyo Cuqaal dawlada uga hanjebaya mediyada, oo leh hadii aan la siideyn Hebel oo xiran waxa ka dhaca waa la arki-doona .. Dalkiisa ku arki maysid qabiil media la taagan anagaa Goofkaan iyo magalada iska leh dadka kale ha ka baxan.
 
Qabiilna kuma dhici karo in uu yirahdo magaladan anaga leh oo laga dhisi mayo goofkayaga wershad ama horumar kale oo anfac leh .. arki maysid dad qoryo ku haysta guryahoda oo awod isbiday oo suuqa wax ku toganaya .. arki maysid xukunka dawlada xukun aan ahayn oo talinaya.
 
Arki maysid Madaxweynaha oo taladii iyo maamulkii la dala dhacaya,oo awodiisii cid kale ku shaqaynayso.waa nin yaqaan awoodiisa iyo shaqadiisa,dalkana xukuma oo looga danbeyo awooda dawladnimo ee dalka .. bulshadiisana maraakiib been ah uma raro .. maskaxdiisa kuma jiheeyo in u qabiil wax ku xusho.
  
Waxa haboon in maddaxweyne Ismaciil Cumar Geelle diric-nimadiisa iyo go'aamadiisa lagu daydo, oo aan lagu tilmaamin wax aan u qalmin iyo waa keligii taliye macangag ah .. dalka uu xukumo wuxu leyahay madax iyo ciidan kala danbeeya oo ka danbeya awodiisa oo keliya. madaxdiisu kuma dhacan in ay falaan waxay doonan,wax anu ogeyna cidi ma samyso. Madaxweyne Ismaciil Cumar Geele uma shaqeyo sida jabhadii qabsatay South Sudan iyo sida xukumadi Cali Mahdi, general Caydiid  iyo cabdulaahi yuusuf ee u haystay in ay inqilab ku qabsaden Dalka.
Waayo aragnimadu ma aha wixii ku soo maray iyo shaqooyinkaagi, laakiin waxaa weeye marxaladihi adkaa iyo wixii ku soo maray wixi aad ku xalisay, oo Cumar geelle wixii dhagar, qaxar iyo qalalaase soo mary kuma biyo-batalaq-san ee waxuu ku Qaras-bixiyey farsamo aqoon iyo xikmad wanaag
 
Galdogob Times Aad bey ugu Hanbalyeyneysa Madaxweyna Jabouti Mudane Ismaciil Cumar geele, sababaha kor ku xusan awgood.waxaana Rajeynaya in Madaxweynaha Somaaliya iyo kuwa maamul goboleedba ku daydaan sida uu wax u xukumo.
 

Maqaalo Articles