Madaxweyne Barak Obama Oo Shaqo Sii Raajicinaaya

Wednesday - May 11, 2016

Barak Obama oo madaxweyne ka noqoday Ameerika mudadi 2009 illa iyo hadda, ayaa dadka aan taariikhda ka been sheegin qiray in inti u xilka madaxtinimo hayey uu arimo badan oo santuukh ciriri ah ku jiray wax ka qabtay haba ugu horeyse heshiski 18-ka bilood ka dhacay magalada Geneva ee lagu meel mariyey nukliyeerka iiraan, walow heshiskaas israaiil ka xumaatay una qaadatay deeyrki jerusalem la gubay oo kale, haddana quwadaha aduunka inta awooda is bida ayaa iyaggana saxiix ku duugay, isla markaana guulaha Obama ay ka mid ahaayeen xirirka u ku soo ceshay dalka Kuba oo muddo lixdan sano cilaaqadka labadaas dal kala go'naa .. Obama oo loo qirsan-yahay wiil aan dhayal ku helin xilka madaxweyne nafti hura ah garaadkiisu sareeyo ayaa wax badan lagu galay yuusan guusha helin, hasa ahaate ugu dambeysti dheeshi u la galay cadawgiisi waa u ka badiyey oo dhabti arkeen gartina kala gooyey.

Laakiin, waxaa siyaasiyiinta qaar si gaara u xusaan in madaxweyne Barak Obama u si ulakaca uga gaabiyey wax ka qabadka dhiiga ka gobo' leh dunida Carabta, kuwaaso ay ka mid yihiin Suuriya, Ciraaq, liibiya, Yaman iyo Lubnaan iyo iyadoo u arinta falastiin meel marin-waayey.

Madaxweyne Obama oo waqtigiisi madaxweyne uga egyahay horaanta sanka 2017 ayaa inta usan aqalka cad ka bixin maalmahaan dambe waaberi kasta bilaabay inu la rafto xil- xod-xodosho u ku raajicinaayo shaqo, isagoo xafiisyada washinton dhiga araaji la xariirta taariikh nololeedkiisa u isku amaanaayo oo ku doonaayo shaqo, waa sida la yiriye, waxuu arjigiisa ku cadeeyey inu yahay shakhsi caarif ku ah cilmiga dawliga bidix iyo midig kii la doono ku shaqeya, isla markaa yahay shar iyo kheyr oo sidii hadba loo adeegsado burbur ama hagaajiya, waxuu kalo codsigiisa ku xardhay inu odorska iyo dibu eegista xeerarka ay ku dhaqmaan caalamka xariif ku yahay, waxuu kalo qortay inu yahay cod kar ma daale ah. ugu dambeystiina codsigiisi ku khatimay in ma daama u ahaa xabsan jiray xoorka caanaha bal markaan indha fiyow lagu eego. laakiin sida la xusay qaar ayaa isla markiiba ugu jawaabay "we call you" iyo qaar u dhiibay aamus. iyo kuwa ku edeb-darooday oo yiri nigarkii obama waa dawrsanaya oo isagoo weli madaxweyne ah ayuu shaqo day-day bilaabay.

Obama damaciisa iyo xaajadaan shaqo raajicinta mar u kala tashaday ku xigenkiisa mr. Joe Biden ayaa u sheegay in xafiisyada dalka ay isugu soo hareen Raggi maafiyada ee waqtigi halgankii kursi u dirirka buurta dheer ka daatay ee Obaamow! talo ku siiyey inaad qabto xaga sportiga khaasatan dhinaca coach-ka basketballka. warkaasna Obaama waa soo dhaweeyey.

Dhinaca kale Obama oo mar si kedis ah ula kulmay shufteyga aan dhiilada ka harin ex house speaker John Boehner oo hadal waabaayo iyo indho kulul dhan walba u seyriya ayaa yiri: aniga markii dabaakhiinti siyaasada bateen ayaan madxtinimadi House-ka iska casilay ee Obamow! nimba waa mare mar haddaad guriga cad ka baxayso oo macmacaankii kaa sii go'ayo waa in lagu sii tukhaan-tukheeya oo waa in shaqo UN laga siiya somaliya .. Obama ayaa markiisa jawaabay oo yiri; Uf iyo Uh baa lagu yiri. Af-noolina waa hadlaa, eyna waa ciyaa ee Johnow hadaba iska butaac.

Maqaalo Articles