ILaahay Hayna Waafajiyo Barakada Iyo Kheyrka Maalinta Jimce .. Caalimki Weynaa Iyo Wixii Alle Baray Fadiilat Xaamid AL-Gazaali Oo Wax Noga Iftiimiyey Dabeecadihi Nabi Maxamed SCW
Thursday - October 24, 2024
Shiikhi Weyn Ee Abu Xaamid Al-Ghasali Ayaa Kitaabkiisa "Ixyaa Culum Al-Diin" wuxuu u ku iftiimiyey Sifooyinki Qaarkood Ee Nabi Maxamed Lagu Sheegay Oo Sidaan Ah:
Wuxuu ahaa Buu Yiri: dadka ugu dulqaadka badan, dadka ugu geesisan, ugu cadaalad badan, dadka ugu daahirsan .. Wuxuu ahaa dadka ugu xishoodka badan oo aan cidna si toos ah isha ugu eegin .. Wuxuu ka jawaabi jiray martiqaadka addoonka iyo kuwa xorta ahba, hadiyadna wuu qaadan jiray xataa hadday koob caano ah tahay, qofna wuu abaal marin jiray.
Wuxuu u carooday Rabbigii dartii balse uma caroon naftiisa .. Xaqa wuu ku dhegganaan lahaa xataa hadday taasi nafsaddiisa iyo asxaabtiisaba dhib u keeni karto. Wuxuu helay mid ka mid ah asxaabtiisa ugu wanaagsan oo lagu dilay meel ay ku nool yihiin Yahuudda, ma uusan si adag ula dhaqmin, mana uusan samayn wax ka badan wixii shareecada u jidaysay.
Wuxuu aqbali jiray martiqaadyada cuntada, wuxuu booqan jiray kuwa buka, oo ka qaybgeli jiray aaska .. Waxa uu ahaa kan dadka ugu khushuucsan uguna aamusnaan badan oo aan isla weynayn, ugu af-hadal badan oo aan dabayl dheerayn, ugu farxadda badnaa.
Waxa uu la fariisan jiray masaakiinta oo uu wax siin jiray oo uu wax la cuni jiray masakinta, isaga oo sharfaya kuwa wanaagsan, una jilcisan jiray quluubta dadka mansabyada ah oo uu ula dhaqmi jiray si naxariis leh.
Xiriirka qaraabada ayuu ilaashaday isagoon ehelkiisa ka fadliyin kuwa iyaga ka khayr badan, cidna si adag uma uu dhaqmin .. Waxa uu ka aqbalay cudurdaarkii kuwii u cudur daartay; wuu kaftami jiray laakiin run uun buu ku hadlay, wuuna dhoola caddayn jiray isaga oo aan qaylo dheerayn.
Waqti kuma lumin isaga oo aan u dadaalin Alle dartii ama samaynta wixii lama huraan u ah naftiisa. Isagu ma uu quursan jirin miskiin-nimadiisa iyo cudurkiisa daraaddiis, oo boqorna kama uu cabsan jirin xooggiisa aawadiis.
Ku Dayaasho Wacan
