Warka Maanta Jira .. Ciidamo Somaliland Iyo Mileeshiyaad-Beeleed Abaabulan Oo Qabsaday Degaanka Jiidali Ee Istratijiga Ah

Ciidamada Somaliland oo ay weheliyaan mileeshiya-beeleedyo abaabulan ayaa saaka oo Sabti ah qabsaday degaanka Jiidali dhinaca bari ka xiga magaalada Ceerigaabo.

Ciidamada Somaliland iyo mileeshiyaadka is garabsanaya ee la wareegay Jiidali oo ka soo duulay degaannada galbeedka gobolka Sanaag ayaa horay u qabsaday magaalada Ceerigaabo ee xarunta gobolka Sanaag.

Ceerigaabo oo ahayd magaalo lagu degganyahay heshiis beeleed afar-dhinac ah ayaa lagu kala qaxay kaddib markii ay dhawaan qabsadeen ciidamada Somaliland oo garabsanaya mileeshiya-beeleedyo ka soo duulay galbeedka gobolka Sanaag.

Wararka ayaa sheegaya in qabsashada Jiidali ee ciidamada Somaliland ay kaga gaashaamanayaan in dib looga qabsado degmada Ceerigaabo oo ay marin istiraatiiji ah u tahay Jiidali si aysan u lumin gacan ku haynta Ceerrigaabo.