Cigaal Shidaad Baa Ka Dardaarmay Qofku In Uu Qoomameyn-doono Wax-yaabaha Laga Kari-la'yahay .. Shabaab Oo Markale Baahisay Muuqaal Abwaan Nageye Iyo Gama'diid .. Hagardamada Gacal Nabsaa Baa Idin Haya
Tuesday - April 1, 2025
Muqdisho – Kooxda Al-Shabaab ayaa maanta mar kale soo bandhigtay Abaawanadii ku biiray ee Nageeye Cali Khaliif iyo Abwaan Gamaa’diid oo hadlaya, iyagoo hubeysan oo ku dhex jira maleeshiyaad badan.
Raggaan ayaa caan ka ahaa magaalada Muqdisho, si gaar ah Nageeye wuxuu ahaa macalin ka tirsan Jaamacadda Umadda Soomaaliyeed, halka Gama’diid uu ahaa nin tiriya gabayada, galaan-gal badana ku lahaa bulshada ku nool Muqdisho .. Ragaan ayaa maanta jeediyey hadallo isugu jira hanjabaad iyo gabayo ay ku beer-laxawsanayeen dadka, waxayna abuureen hadal-heyn xoog leh.
Muuqaalkaan waxaa laga duubay iyagoo muuqaal ahaan bedelmay oo duruuf badan ay ka muuqato, isla markaana ay garbahooda taagan yihiin maleeshiyaad ka tirsan Al-Shabaab oo afka duubtay.
Muuqaalka waxaa looga duubay goob ay isku qariyeen oo howd ah, halkaas oo la aaminsan yahay inay uga dhuumanayeen duqeymaha .. Nageeye ayaa sheegay inay yihiin dhashii Sayid Maxamed Cabdulle, Sheekh Xasan Barsame iyo Axmed Gurey, isla markaana ay halkiisa ka sii wadi doonaan "halgankii gaalo la dirirka'
Sidoo kale, Abwaan Gama’diid, ayaa goobtaas ka tiriyey gabay uu ku macneeyey inuu yahay jihaad ku jooga jidkii saxda ahaa, balse dadka Soomaaliyeed ee ka falceliyey ayaa aad ula yaabanaa qaabka ay isku bedeleen ragaan.
Dadka ka falceliyey muuqaalka laga soo duubay Abwaanada Shabaab-ka noqday u badan reer waqooyi aqoon badan u lahaa xubnahaan intii ay ku dhex jireen dadkooda, sidoo kale, khatarta ay wajahayaan ayaa aad loo falanqeeyey, maadaama hadda dowladda Soomaaliya ay bilowday duqeymo culus oo kooxda lagu beegsado.
