Laba Nin Oo Abtirsaday Oo Midna Jano Ku Galay Midna Naar Ku Galay

Monday - August 1, 2016

Imaam Axmed ayaa kitaabkiisa Musnad kaga wariyey Ubay ibnu kacab in u yiri: Labo Nin ayaa abtirsaday samankii Nabigeena SCW, markaasaa midkood yiri: waxaan ahay ina Hebel Hebel ee adigu yaad tahay hooyo beele?.
Kolkaas ayaa Nabigeenu SCW Yiri: Laba Nin Ayaa abtirsaday xiligi Nabi Muuse, markaasaa midkood yiri: waxaan ahay ina Hebel Hebel ilaa uu tiriyey Sagal Oday ee adigu yaad tahay hooyo beele?
Markaasaa kii kale yiri: waxaan ahay in hebel hebel islaam. markaas ayaa nabigu SCW wuxuu dhahay: Alle ayaa markaas u wax-yooday Nabi Muuse inu u ku dhaho: Labadiinaan abtirsaday: Kan sagal oday oo Naarta ku jira ku abtir-sadayoow adigaa naarta ku tobaneeya. kan labo oday oo Janada ku jira ku abitirsadayowna adigaa ku Sadexeeya Janada.

1-Xadiisku, wuxuu ina baraya in fasaadka iyo qalloca lagu saxo Warinta akhbaarti dadywoogii hore .. Nabigeenu SCW, wuxuu u wariyey nimankii isu faanay qiso la mida ah qisadooda si ay ugu cibra qaataan oo uga haraan dhaqankaas xun.

2- Rasuulku SCW, wuxuu dignin adag ka baxshay abtiris ku faanka, ciddii aan ka harin ilaahay agtiisa waxay noqonayaan kuwa ka liita doorshaanka- xaar-walwaalka saxarada sanka ku dilindileeya

3- Xadiisku wuxuu si cad u muujinayaa dambiga abtir ku faanka iyo khtarta uu leeyahay
4- Xumaanta qabyaalada iyo quursiga waxaa ku tusaya sida markiiba ilaahay iyo nabiyaashiisu isu faanka dhexmaraya nimanka wanaagsan iyo kuwa xun xun ee wali dhaqankii jaahiliyada dabada haya.

Maqaalo Articles